Kryetari i Kuvendit të Republikës së Maqedonisë së Veriut, Afrim Gashi, sot në selinë e Parlamentit Evropian në Bruksel, ka takuar kryetaren e Parlamentit evropian, Roberta Mecola, thuhet në njoftimin nga shtypi i qeverisë.
Mecola u rizgjodh në këtë funksion me shumicë të madhe votash pas konstituimit të përbërjes së re të Parlamentit Evropian në qershor të këtij viti. Kryetari Gashi, thekosjnë nga atje, falënderoi për mbështetjen e fuqishme të perspektivës evropiane të vendit tonë, të cilën e jep në vazhdimësi Parlamenti Evropian dhe veçanërisht kryetarja Mecola, dhe shprehu pritjen që ajo të vazhdojë deri në anëtarësimin e plotë të vendit në BE.
Të dy bashkëbiseduesit u pajtuan se qytetarët e Republikës së Maqedonisë së Veriut presin ndryshime të mëdha, sepse nga ana jonë janë bërë lëshime që çuan në anëtarësimin në NATO, por jo edhe në fillimin e Konferencës Ndërqeveritare me BE-në.
Kryetarja Mecola paralajmëroi vizitë në rajonin e Ballkanit perëndimor për fillimin e vitit të ardhshëm dhe u angazhua për aktivitetet konkrete në planin ekonomik, ndërtimin e infrastrukturës, heqjen e roamingut, por edhe hapa më konkretë për Republikën e Maqedonisë së Veriut përmes Programit për Mbështetjen Demokratike, që synon kryesisht Parlamentin.
Shtyllat kryesore të këtij Programi do të jenë legjislacioni dhe transparenca, të cilat do të realizohen përmes vizitave studimore dhe trajnimeve ndërmjetësuese, për të cilat Kryetari Gashi shprehu mbështetjen dhe gatishmërinë për krijimin e parakushteve të nevojshme për realizimin e tij.
Të dy kryetarët ranë dakord për përfitimin e madh për vendin dhe qytetarët për vizionin e qartë që ka BE-ja në procesin e integrimit evropian, por edhe për mesazhet e qarta që BE-ja duhet t'i japë dhe të qëndrojë pas tyre, ndërsa vendi të mbajë fokusin në rrugën e integrimit evropian me dinjitet të ruajtur dhe qytetarë të kënaqur, pavarësisht prejardhjes së tyre etnike”, thuhet në njoftim./Telegrafi/
Gashi-Mecola: BE-ja duhet të japë mesazhe të qarta dhe vendi duhet të fokusohet në rrugën e integrimit evropian appeared first on Telegrafi.