Kryetari i Kuvendit, Afrim Gashi tha se Kuvendi do të debatojë për interpelancën ndaj kryetarit të Gjykatës Kushtetuese, Darko Kostadinovski, megjithëse fillimisht ishte në dilemë nëse do ta refuzonte atë apo do ta kthente kërkesën për interpelancë të paraqitur nga BDI për punë të mëtejshme.
Dilema ishte se interpelanca ishte për kryetarin e Gjykatës Kushtetuese, dhe Kuvendi nuk zgjedh Kryetarin e Gjykatës, por një gjyqtar kushtetues.
Deklarata nga kabineti i Gashit nuk jep një shpjegim se pse ai nuk ia ktheu iniciativën BDI-së për korrigjim.
“Çdo iniciativë e paraqitur nga deputetët, nëse është në përputhje me Kushtetutën dhe Rregulloren e Punës dhe ligjet, do të trajtohet me respekt të plotë të ligjeve dhe standardeve demokratike”, thuhet në deklaratën me shkrim nga Kabineti i Gashit.
Ai i referohet nenit 47 të Rregullores së Punës së Kuvendit dhe nenit 72 të Kushtetutës, se deputetët kanë të drejtën e garantuar kushtetuese për të ngritur interpelancë për punën e çdo bartësi të funksionit publik. /Telegrafi/
Gashi: Kuvendi do të debatojë për interpelancën ndaj Kostadinovskit appeared first on Telegrafi.