Të punësuarit në Kopshtin Zoologjik nuk i kanë marrë pagat që nga shkurti. Drejtori i Kopshtit Zoologjik, Zoran Popov, e tregon Ministrinë e Kulturës si fajtorin kryesor për këtë. Duke filluar nga nesër, ata nuk do të kenë as sigurim shëndetësor.
“Ministria e Kulturës i dërgoi një email institucionit tonë, në bazë të të cilit u kërkoi të gjitha institucioneve publike kulturore të bënin ndryshime të paligjshme në llogaritjet për pagat e marsit, pa bazë ligjore, në kundërshtim me Kontratën Kolektive.
Kopshti Zoologjik i Shkupit, ashtu si institucionet e tjera publike, i dërgoi vërejtje dhe pyetje zyrtare Ministrisë sepse udhëzimet në email ishin të paqarta, por deri më sot nuk kemi marrë asnjë përgjigje.
Sipas udhëzimeve nga Ministria e Kulturës që iu dhanë drejtorëve, ata po detyrohen të anulojnë vendimet e vjetra për pagat dhe të përgatisin vendime të reja. Nga kjo është e qartë se faji për pagat e papaguara nuk është i menaxhmentit të Kopshtit Zoologjik të Shkupit, pasi individë të caktuar janë përpjekur të gënjejnë dhe manipulojnë publikisht, për të cilat do të kërkojmë falje publike”, shkroi Popov në faqen e Facebook-ut të Kopshtit Zoologjik.
Ministri i Kulturës, Zoran Lutkov, thotë se ende nuk kanë marrë një llogaritje, e cila më pas do t’i dërgohej Ministrisë së Financave për kryerjen e pagesës./Telegrafi/
Drejtori i Kopshtit Zoologjik-Shkup: Punonjësit nuk kanë rrogë për marsin për shkak të Ministrisë së Kulturës, jo për shkak të menaxhmentit appeared first on Telegrafi.
