Në pikën kufitare Bllacë, doganierët parandaluan kontrabandimin e 120 kg duhan për nargile me vlerë 384 mijë denarë, të destinuar për tregun e Maqedonisë së Veriut.
Personi përgjegjës, shtetas i Maqedonisë, fshehu produktet në bagazh dhe nuk i deklaroi.
Kundër tij është ngritur aktakuzë për kontrabandim.
Njoftimi i plotë nga Dogana:
“Doganierët në pikën kufitare Bllacë, gjatë hyrjes në vend, kanë parandaluar një përpjekje për kontrabandim të gjithsej 120 kilogramëve duhan për narghile, me vlerë prej 384 mijë denarësh, të destinuar për shitje në tregun e Maqedonisë. Kundër personit të përfshirë, Departamenti i Hetimeve ka ngritur aktakuzë për veprën penale “kontrabandim”, e ndëshkueshme sipas Kodit Penal. Me këtë është parandaluar një përpjekje për tregti të paligjshme të mallrave akcizore, duke shmangur pagesën e taksave në shumën prej 744 mijë denarësh, nga të cilat 342 mijë denarë janë taksë akcize. Personi i përfshirë, F.B., shtetas i Maqedonisë, kishte blerë gjithsej 480 pako duhan për narghile nga një person nga Prishtina, secila pako prej 250 gramësh, dhe i kishte fshehur në bagazhin e makinës, duke vendosur një pjesë në hapësirën për rrotën rezervë dhe pjesën tjetër nën mbulesë. Gjatë hyrjes në vend, kur doganierët e pyetën nëse kishte diçka për të deklaruar, ai deklaroi se nuk kishte asgjë. Për shkak të dyshimeve mbi deklaratën, doganierët kryen kontroll të detajuar, ku u gjetën produktet e pa deklaruara të duhanit”.
