Lidhja e shoqatave të diabetikëve në Maqedoni ka alarmuar sërish për mungesë të insulinës. Ata kërkojnë seriozitet nga Ministria e Shëndetësisë në lidhje me vazhdimësinë në furnizim me terapi.
Shoqata e diabetikëve thekson se situata aktuale vetëm sa konfirmon kërkesat e tyre të kahmotshme për ndryshime në modelin e disponueshmërisë së terapisë dhe ndihmave me një treg të hapur dhe vendosjen e çmimeve referente.
“I kemi bërë pyetje Ministrisë së Shëndetësisë, nga ku morëm përgjigje zyrtare se për shkak të riauditimit të sasive të Ryzodeg në përputhje me sasitë e parapara në realizimin e tenderit aktual, shpërndahen vetëm sasitë e mbetura sipas numrit, për të gjithë pacientët e tjerë duhet të konsultohen me specialistët e tyre – monokrinologë/diabetologë dhe së bashku të bëjnë zgjedhjen e duhur për zëvendësimin e terapisë së insulinës”.
“Gjithashtu informojmë opinionin se ka mungesë të terapisë ‘Ozempik Rybelsus’, se kemi kërkuar informacion nga Ministria e Shëndetësisë me përgjigjen e së cilës, për momentin nuk mendojmë se është reale dhe kemi vazhduar konsultimin me kompanitë. Informacionet thonë se ka terapi, për të gjithë pacientët ekzistues deri në nënshkrimin e kontratës së prokurimit dhe sasive të planifikuara shtesë, por fatkeqësisht jo të gjithë e marrin në mënyrë të vazhdueshme dhe në kohë”, thonë nga Lidhja.
“Duam të rrisim seriozisht cilësinë e jetës së personave me diabet, me masa dhe aktivitete specifike nga shteti. Prandaj, apelojmë në seriozitetin e Ministrisë së Shëndetësisë dhe të veprojë në mënyrë transparente dhe të informohet në kohë në periudhën aktuale. Të nderuar bashkëluftëtarë, të cilët jeni subjekt i ndryshimit, vetëm konsultohuni me specialistin dhe bëni ndryshim me raport të ri, me zgjedhjen tuaj nga zëvendësuesit e mundshëm”, përfundojnë nga Lidhja e Shoqatës së diabetikëve të Maqedonisë.
Diabetikët alarmojnë sërish për mungesë të insulinës, kërkojnë seriozitet nga Ministria e Shëndetësisë appeared first on Telegrafi.
