“Është herët për të folur se cili do të jetë çmimi i energjisë elektrike pas 1 janarit 2025. Tenderët nuk kanë përfunduar ende, disa prej tyre as nuk kanë filluar, kështu që në këtë moment do të ishte e gabuar të spekulohej se cilat do të ishin çmimet, por nuk besoj se do të kishte ndonjë vendim problematik që do të ndikonte në buxhetin e familjeve”, ka theksuar sonte kryetari i Komisionit Rregullativ për Energjetikë (KRRE) Marko Bislimoski.
Ai theksoi se KRRE aktualisht është duke analizuar kërkesat për çmime të cilat tashmë janë dorëzuar nga MEPSO, MEMO dhe “Elektrodistribucioni” dhe siç tha ai, në dhjetor do t’i dorëzojë edhe furnizuesi universal EVN Home.
Ai shtoi se çmimi përfundimtar me të cilin konsumatorët do të paguajnë energjinë elektrike pas 1 janarit do të varet më së shumti nga çmimi që do të ofrojë EMV në tenderin e EVN Home.
“Elementët më të rëndësishëm që do të ndikojnë në vendimin që do të zbatohet nga 1 janari janë kostot e blerjes së humbjeve të energjisë elektrike në rrjetin e transmetimit dhe shpërndarjes dhe do të varen edhe nga kostoja e blerjes së energjisë elektrike që do të tenderohet nga furnizuesi universal. Në pjesën më të madhe, këto kosto varen nga çmimet që do të ofrohen në tenderë”, tha Bislimoski.
Këtë vit, siç tha ai, KRRE përcakton çmimet për transmetimin dhe shpërndarjen e energjisë elektrike për herë të parë në procedurat e të dhënave që kompanitë është dashur t’i dorëzojnë deri më 30 shtator./Telegrafi/
Bislimoski: Është herët të flasim se sa do të jetë çmimi i energjisë elektrike pas 1 janarit appeared first on Telegrafi.