Ish-ministri i Financave, Fatmir Besimi ka komentuar gjendjen financiare në vend dhe propozim Buxhetin për vitin 2025, përcjell Telegrafi Maqedoni.
Besimi tha se nuk ka reaguar deri tani për politikat e qeverisë së re sepse, siç thotë, mendoj se qeverisë së re i duhej kohë për të parë gjërat. “Situata e keqe me buxhetin i ka kaluar pritshmëritë e qeverisë së re, buxhet që është një listë dëshirash në vend të zhvillimit të krijuar, një ekonomi në vdekje klinike”, këto janë vetëm disa nga vlerësimet që tha Dimitrieska-Koçoska gjatë prezantimit të ribalancit të buxhetit për këtë vit.
“Zakonisht kur kam qenë në detyrë, përveç faktit që kam ndjerë se duhet të ketë transparencë, duhet të ketë informacion të vazhdueshëm në vend të sensacioneve dhe në këtë kontekst mendoj se me kalimin e kohës, shumë gjëra janë tashmë duke marrë një pamje më të qartë për sa i përket asaj se si ishte Këtu janë propozimet e buxhetit për sa i përket pozicioneve për rritje. Për shembull, ju kujtohet, më 14 tetor, një muaj më parë, Enti Shtetëror i Statistikave nxori një njoftim për BPV-në për vitin 2023 me një rritje prej 2.1%. Do t’ju kujtoj prillin, kur dolën, ishte me 1% rritje, pra ka një mospërputhje të madhe në të dhëna. Për sa i përket politikave dhe për sa i përket konsolidimit fiskal dhe asaj që kemi bërë, ka fakte”, tha Besimi.
Kritikave se 71% e deficitit të parashikuar për të gjithë vitin është shpenzuar në gjashtë muajt e parë, Besimi përgjigjet:
“Nuk është asgjë e pazakontë. Në buxhet keni një plan vjetor dhe keni menaxhimin e likuiditetit të buxhetit, që është thesari. Një tjetër gjë është buxheti, ku është plan dhe është me forcën e ligjit. Kuvendi i jep të drejtën qeverisë që të shpenzojë paratë në emër të qytetarëve. Qeveria nëpërmjet ligjeve, pra taksave dhe të ardhurave të tjera, nëpërmjet DAP-it dhe Doganës, mbledh para dhe i shpërndan ato, siç miratohet nga Kuvendi. Atëherë ju keni një kasafortë, para të vërteta. DAP duhet t’i mbledhë, futen në buxhet dhe ato para shpenzohen për pagimin e faturave që vijnë nga institucionet ose për paga etj. Ky është një kasafortë. Sepse keni cikle gjatë muajit kur paguhen taksat, keni cikle kur jepen pensionet dhe pagat etj., keni cikle disbalance”, theksoi Besimi.
Ai shton se shifrat ndryshojnë në varësi të të ardhurave dhe shpenzimeve.
“Sot po ta shikoni buxhetin për vitin 2024, jo ribalancim, ka qenë 33 miliardë denarë, tani është diku mbi 33 miliardë denarë. Tani në tetor nëse e shikojmë, është më shumë se 100 për qind. Nuk është tema kryesore. Ata kanë një buxhet, kanë një plan dhe duhet ta menaxhojnë deri në fund të vitit. Dua të them se këtu sot mund të ketë një koment të ngjashëm se i gjithë deficiti i planifikuar është shpenzuar” thotë ish-ministri i Financave.
Por Besimi pranon se buxheti i shtetit në gjysmën e parë të vitit është rënduar edhe nga pakoja e masave kundër krizës për pensionistët, studentët dhe kategoritë tjera sociale./Telegrafi/
Besimi për kritikat nga qeveria e re: Nuk kam reaguar sepse u kam dhënë kohë të shohin gjërat appeared first on Telegrafi.
