MPB njofton se ka ndërmarrë masa ndaj personave të cilët me veturë po bënin video të rrezikshme nëpër qytetin e Shkupit. Në video shihet se disa të rinjë njëri prej të cilëve ishte në pjesën e përparme të veturës bënin video për rrjetet sociale.
“Lidhur me videon që u nda në rrjetet sociale, Ministria e Punëve të Brendshme njofton publikun se janë ndërmarrë masa dhe aktivitete të menjëhershme dhe personat janë gjetur, është kryer një intervistë zyrtare dhe kundër tyre do të ngrihen raporte përkatëse në përputhje me Ligjin për Sigurinë në Trafikun Rrugor dhe Ligjin për Automjetet.
Ndaj shoferit S.Z. (20) nga Shkupi sipas nenit 167 paragrafi 2 (për shkak të transportit të një personi në pjesët e jashtme të automjetit) dhe nenit 225 paragrafi 9 (drejtimi pa leje drejtimi) të LSTRr-së dhe nenit 26 paragrafi 10 të Ligjit për Automjetet (drejtimi i një automjeti pa targa), si dhe kundër personit që qëndron mbi veturë R.G. (19) nga Shkupi sipas nenit 317 paragrafi 14 (lejimi i një personi pa leje drejtimi për të drejtuar një automjet) dhe nenit 165 paragrafi 2 (kryerja e veprimeve që rrezikojnë sigurinë e tij) të LSTRr-së.
SPB Shkup ka ndërmarrë masa dhe aktivitete plotësuese për zbardhjen e rastit”, thonë nga MPB./Telegrafi/
Bënin video të rrezikshme në rrugët e Shkupit, janë marrë masa ndaj disa të rinjve appeared first on Telegrafi.
