Më 16.05.2025 në Shkup, pas një urdhri gjyqësor, policia nga Sektori i Krimeve Kompjuterike kryen një kontroll në shtëpinë dhe lokalet e tjera të L.K. (21) nga Shkupi, pas një hetimi të kryer më parë për shkak të dyshimit për kryerjen e veprës penale “bërje, marrje ose tjetërsim mjetesh falsifikimi” të dënueshme sipas nenit 271 të Kodit Penal, veprën penale “falsifikim kompjuterik” të dënueshme sipas nenit 279-a të Kodit Penal, veprën penale “keqpërdorim i të dhënave personale” të dënueshme sipas nenit 149 të Kodit Penal dhe veprën penale “dëmtim dhe hyrje e paautorizuar në sistem kompjuterik” të dënueshme sipas nenit 251 të Kodit Penal.
Gjatë kontrollit u gjetën dhe u sekuestruan një kompjuter desktop, tre hard disqe, dy laptopë, pesë USB, tre telefona celularë, rreth 4.000 euro, fletëpagesa dhe shpërndarje, si dhe gjoba parkimi të falsifikuara nga NP Parkingje të Komunës Qendër dhe karta policie me logon e Ministrisë së Brendshme.
Pas dokumentimit të rastit, do të ngritet kallëzim penal në Prokurorinë Themelore Publike.
Bastisje në Shkup, ndalohet një 21-vjeçar për shkak të falsifikim të dokumenteve dhe krim kibernetik appeared first on Telegrafi.
