MPB Maqedoni njofton se pas ndërmarrjes së masave dhe aktiviteteve, më 05 dhe 06.03.2024, në një aksion të përbashkët dhe të koordinuar, zyrtarët policorë kanë arrestuar personat F.P.(29), D.D.(32) dhe D.P.(25), të gjithë nga Shkupi.
MPB thekson se më datë 05.03.2024 rreth orës 22:00 në zonën e Karposhit, përballë objektit ku banon përkohësisht F.P, i është hequr liria D.P, ndërsa pranë tij janë gjetur para, të cilat dyshohet se kanë origjinën nga një krim.
“Më pas, gjatë kontrollit të ushtruar në banesën e përdorur nga F.P, të kryer me vendim gjykate, ai u kap me D.D duke paketuar marihuanë. Njëkohësisht u gjetën 78 pako me marijuanë, një qese marihuanë, lëndë pluhuri e bardhë, peshore dixhitale, para dhe sende të tjera me mbetje narkotike”.
“Personat janë ndaluar në komisariat dhe pas zbardhjes dhe dokumentimit të plotë të rastit ndaj tyre do të bëhet kallëzim përkatës”, thonë nga MPB Maqedoni./Telegrafi/
Bastisje në Shkup, gjendet drogë – arrestohen tre persona appeared first on Telegrafi.
