Kroacia është shembull i mirë për t’u ndjekur në përmbushjen e detyrave specifike në gjyqësor për anëtarësim në Bashkimin Evropian, vlerësuan në takimin e sotëm në Zagreb zëvendësministrja e Drejtësisë Viktorija Avramovska Madiq dhe ministri i Drejtësisë dhe Administratës së Kroacisë, Ivan Malenica.
Siç njofton Ministria e Drejtësisë, bashkëbiseduesit konfirmuan se Kroacia do të ndihmojë në rrugën e integrimit evropian të vendit tonë.
-Kapitulli 23 është një nga kapitujt më të gjerë dhe më kompleks, dhe shpejtësia dhe kohëzgjatja e negociatave në këtë fushë ndikojnë drejtpërdrejt në ecurinë e procesit të negociatave. Dialogu mes dy vendeve do të vazhdojë në drejtim të gjetjes së zgjidhjeve të bazuara në vlerat evropiane, thuhet në njoftimin e Ministrisë së Drejtësisë.
Në Zagreb, Avramovska Madiq zhvilloi edhe një takim dypalësh me Ministren e Drejtësisë së Moldavisë, Veronika Mihailov-Moraru, ku u bisedua për rrugën evropiane përpara të dy vendeve.
Siç bëjnë me dije Ministria e Drejtësisë, dy vendet do të intensifikojnë bashkëpunimin e ndërsjellë dhe do të ndajnë përvojat në fushën e drejtësisë me synimin për anëtarësim sa më të shpejtë në Bashkimin Evropian.
Madiq e ftoi Moraru-n në një vizitë zyrtare në Ministri dhe së bashku me përfaqësues nga të dyja ministritë, të mbajë një punëtori të përbashkët ku do të shkëmbehen përvojat, thuhet në deklaratën e Ministrisë së Drejtësisë.
Avramovska Madiq – Malenica: Kroacia do të ndihmojë në rrugën e integrimit evropian të vendit tonë appeared first on Telegrafi.