Aleanca për Shqiptarët e Arben Taravarit ka reaguar ndaj qasjes së koalicionit VLEN në qeveri.
Nga ASH thonë se problemi kryesor nuk qëndron te opozita shqiptare, por te partnerët qeveritarë të VLEN-it: OBRM-PDUKM, ZNAM dhe Partia Demokratike Serbe.
Sipas deklaratës, këta partnerë qeveritarë po promovojnë politika antishqiptare, duke e përdorur dhe diskredituar VLEN-in në sy të qytetarëve shqiptarë.
“VLEN duhet të ndalë së sjelluri si opozitë e rehatshme në pushtet dhe të marrë përgjegjësinë që i takon. Fajtorët kanë emër: OBRM-PDUKM dhe partnerët e tyre, me në krye Hristijan Mickoskin”, thuhet në deklaratë.
Aleanca bën thirrje që VLEN të ndjekë shembullin e saj dhe të kryetarit Arben Taravari, duke u tërhequr nga ajo që e quan “qeveri ekstreme ndaj shqiptarëve”.
Nga ASH thonë se nëse preket Marrëveshja e Ohrit, përgjegjësia historike do të rëndojë mbi VLEN-in.
ASH-Taravari: Partnerët qeverisës po e diskreditojnë VLEN-in në sytë e qytetarëve shqiptarë appeared first on Telegrafi.
