Aleanca për Shqiptarët – krahu i Ziadin Selës përmes një komunikate për media thonë se zëvendëskryeministri i parë, Izet Mexhiti po keqpërdor zyrat e kryeministrisë për mbledhje partiake.
Ata i kanë bërë thirrje Komisionit Shtetëror për Parandalim të Korrupsionit të marrin masa.
Reagimi i plotë:
Drejtuesit e partive të koalicionit në Qeverinë jolegjitime po bëjnë keqpërdorime flagrante të institucioneve dhe resurseve shtetërore.
Edhe si kuadër i BDI, edhe si kryetar i Komunës së Çairit, por edhe tani si kuadër i VLEN, Izet Mexhiti keqpërdor zyrat e kryeministrisë për mbledhje dhe aktivitete partiake.
I bëjmë thirje Komisionit Shtetëror për Parandalimin e Korrupsionit që të hap procedurë për keqpërdorimin e institucioneve shtetërore nga zyrtarët politik për qëllime partiake. Gjithashtu ftojmë edhe zëvendës kryeministrin për qeverisje të mirë që të kryejë detyrën zyrtare dhe të sanksionojë veprimet antiligjore të bashkëpartiakëve të tij.
Veprimet e këtilla janë të patolerueshme dhe shkelje e rëndë ligjore, si dhe shpalosin fytyrën e vërtetë të partive të koalicionit VLEN të cilët institucionet e shtetit i shohin vetëm si mjet për përfitime partiake.
ASH krahu i Ziadin Selës: Izet Mexhiti po keqpërdorë zyrat e kryeministrisë për mbledhje partiake appeared first on Telegrafi.