Në shuarjen e zjarrit në malin Serta në pjesën e Negotinës afër fshatit Kalanjevë kanë marrë pjesë katër helikopterë, dy të ushtrisë tonë dhe një të policisë, të cilëve do t’u bashkohet edhe një helikopter malazez. Në territorin e Gjevgjelisë mbi fshatin Negorci po dërgojmë dy helikopterë sllovenë, ndërsa në komunën e Novosellës në malin Ograzhden po dërgojmë një helikopter të madh turk dhe një serb me pesë tonë ujë, tha drejtori i QMK-së, njoftoi sot në mëngjes Stojançe Angelov.
Ai shtoi se gjatë ditës pret të vendoset kontroll mbi zjarrin e madh që po digjet prej ditësh në malin Serta.
“Të gjithë avionët, tre të DMSH-së dhe dy avionë turq, së bashku me atë kroat, do të nisen drejt malit Serta në territorin e Komunës së Shtipit pas fshatit Dragoevo. Në të gjitha vendet ku do të operojnë aeroplanët kemi njësitet zjarrfikëse në terren, të cilave u janë bashkuar 100 ushtarë të ushtrisë dhe rreth 30 pjesëtarë të policisë”, tha Angelov.
Ai bëri të ditur se sot pritet të ulet avioni Hercules nga Rumania, i cili bart të ashtuquajturat bomba uji prej më shumë se pesë tonësh. Së bashku me të do të arrijë edhe një aeroplan tjetër, i cili shërben si logjistikë.
“Ka ende disa zjarre në mbarë vendin, të cilat do të kërkojnë mbështetje ajrore, në komunat Çashkë, Dollnen, Studeniçan, Zelenikovë, ka zjarr nën majën e Solunska, si dhe zjarri pranë Radovishit”, tha Angellov.
Angellov: Të gjithë avionët sot do të vazhdojnë me shuarjen e zjarrit në malin Serta appeared first on Telegrafi.
