Anëtari i mbijetuar i grupit ADN, Vlladimir Bllazev-Panço, i lënduar nga zjarri në diskotekën “Pulse” në Koçan, është në gjendje stabile dhe aktualisht është jashtë rrezikut për jetën, njoftoi këshilli mjekësor në Spitalin klinik “Acibadem Sistina”, ku ai po trajtohet.
“Pacienti Vlladimir Bllazev-Panço është në reanimacion që nga pranimi. Në këtë repart aplikohet niveli më i lartë i kujdesit mjekësor. Pas kryerjes së trajtimit intensiv, ajo që mund të themi është se pacienti është në gjendje stabile dhe aktualisht është jashtë një gjendjeje të rrezikshme për jetën. Trajtimi i tij vazhdon në repartin e terapisë intensive”, thonë nga Sistina.
Nga spitali theksojnë se informacioni për gjendjen shëndetësore të Panços është dhënë nga ekipi mjekësor përgjegjës për trajtimin e tij dhe është i vetmi informacion zyrtar i konfirmuar nga spitali, duke mohuar informacionet e fundit për përkeqësimin e gjendjes së artistit siç u raportua në disa nga mediat vendore.
Anëtari i grupit DNK, Vlladimir Bllazhev-Panço është në gjendje stabile dhe jashtë rrezikut për jetën appeared first on Telegrafi.
