Ministri i Transformimit Dixhital, Stefan Andonovski, mbajti sot fjalimin e tij në konferencën ndërkombëtare “IA për Shoqëri dhe Qeverisje e Mençur”, të organizuar nga Universiteti “Goce Delçev” në Shtip, ku theksoi se inteligjenca artificiale, përveçse një temë teknologjike, është edhe një çështje politikash, kapaciteti institucional dhe përgjegjësie ndaj qytetarëve.
“Çështja kryesore nuk është nëse do ta përdorim, por si do ta përdorim. Për të pasur zbatim të vërtetë në sektorin publik, nevojitet një kornizë e qartë, të dhëna cilësore dhe infrastrukturë me zbatim konkret, jo vetëm strategji në letër”, tha Andonovski.
Ai theksoi se Ministria e Transformimit Dixhital po punon mbi hapa konkretë për futjen sistematike të IA-së në sektorin publik dhe krijimin e një baze për transformim dixhital të përgjegjshëm dhe të zbatueshëm.
“Gjithashtu theksova hapat konkretë që po ndërmarrim, të cilët janë Strategjia Kombëtare e TIK-ut 2025–2030, përgatitja e Strategjisë Kombëtare për Inteligjencën Artificiale në koordinim me akademinë dhe institucionet, integrimi i një asistenti të IA-së në data.gov.mk, si dhe iniciativa për Qendrën e Inteligjencës Artificiale “Vezilka” për zhvillimin e kapaciteteve dhe modeleve të GPU-ve vendase në gjuhën maqedonase”, theksoi Andonovski.
Ministri i Transformimit Dixhital, Stefan Andonovski, në përgjigje të pyetjes së një gazetari në lidhje me Rregulloren e ASHMAA-së për influencerët, theksoi se i kupton kërkesat e tyre dhe shtoi se ndryshimet janë të mundshme me kërkesë të Shoqatës së Influencerëve./Telegrafi/
