Ambasadorja e SHBA-së në RMV, Angela Aggeler në fjalën hyrëse në tryezën e rrumbullakët “A na duhet një Ligj për Gjykatën Kushtetuese?” që u zhvillua në Gjykatën Kushtetuese, tha se duhet shfrytëzuar ky moment moment për të kujtuar për kë punoni dhe pse u emëruat këtu. Ligjet në këtë vend, sado të ndërlikuara të jenë, duhet dhe mund të funksionojnë në dobi të qytetarëve, përcjell Telegrafi Maqedoni.
Ky është vërtet një moment vendimtar jo vetëm për Gjykatën Kushtetuese, por edhe për kolegët tuaj kudo në gjyqësor dhe, më e rëndësishmja, për qytetarët e këtij vendi. Ju lutem shfrytëzojeni këtë moment për të kujtuar për kë punoni dhe pse u emëruat këtu. Ligjet në këtë vend, sado të ndërlikuara të jenë, duhet dhe mund të funksionojnë në dobi të qytetarëve. Si partnerë dhe miq, Shtetet e Bashkuara mbështesin punën e gjyqësorit për të siguruar që drejtësia të mbetet e arritshme, e paanshme dhe e rrënjosur në vlerat kushtetuese”, tha Ambasadorja e SHBA-ve, Angela Aggeler.
Ajo përshëndeti debatin e sotëm në Gjykatën Kushtetuese, i cili tha se duke përfshirë opinionin rritet transparenca dhe është gjithashtu një fillim për të rivendosur besimin në gjyqësor dhe vendimet e tij.
“Transparenca jo vetëm që ndërton besim, por gjithashtu mund të ndihmojë në forcimin e nevojës së madhe dhe rolit themelor të pavarësisë gjyqësore. Kushtetuta është themeli i institucioneve demokratike në këtë vend dhe garantuesi i të drejtave dhe lirive të qytetarëve të tij. Roli i një Gjykate Kushtetuese të pavarur është ta mbështesë këtë me vendimet e saj, dhe kjo është jashtëzakonisht e rëndësishme për një demokraci të shëndetshme.
Nuk besoj se po e ekzagjeroj kur them se ky është vërtet një moment vendimtar jo vetëm për Gjykatën Kushtetuese, por edhe për kolegët tuaj kudo në gjyqësor, dhe më e rëndësishmja për qytetarët e këtij vendi. Ju lutem, shfrytëzojeni këtë moment, ju lutem kujtohuni për kë punoni dhe pse u vendosët këtu, dhe ju lutem, për ata prej jush që janë gjyqtarë, kujtohuni dhe kujtojini vetes betimin që keni bërë, dhe për të gjithë gjyqtarët dhe prokurorët kudo në gjyqësor, ju bëj thirrje ta ndiqni këtë proces.
Ligjet në këtë vend, sado të ndërlikuara të jenë, duhet dhe mund të funksionojnë në dobi të qytetarëve. Si partnerë dhe miq, Shtetet e Bashkuara mbështesin punën e gjyqësorit për të siguruar që drejtësia të mbetet e arritshme, e paanshme dhe e rrënjosur në vlerat kushtetuese”, tha ambasadorja Aggeler./Telegrafi/
Aggeler: Ligjet në këtë vend, sado të ndërlikuara të jenë, duhet dhe mund të funksionojnë në dobi të qytetarëve appeared first on Telegrafi.
