Nevoja për respektimin e plotë të Marrëveshjes së Prespës nga Maqedonia e Veriut u përsërit nga kryeministri Kyriakos Mitsotakis i cili ndodhej në Vrilissia, duke paralajmëruar se në të kundërt, rruga evropiane e vendit do të mbetet e mbyllur.
Mitsotakis kërkoi votën e qytetarëve në zgjedhjet evropiane, duke theksuar se e vetmja parti që flet për to është ND.
“Me mbështetjen tuaj ne vazhdojmë të zbatojmë programin tonë. Reformat e guximshme që i duhen vendit tonë për të ecur në mënyrë të qëndrueshme, më pranë Europës”, theksoi ai.
Duke iu referuar çështjeve kombëtare, ai tha: Fqinjët tanë veriorë duhet ta dinë se duhet të respektojnë plotësisht marrëveshjet, nëse nuk e bëjnë, rruga e tyre evropiane do të mbetet e mbyllur./vizionplus.tv
