Zelensky tha gjatë fjalës së tij në OKB se lufta me Rusinë është shumë afër fundit. Ai gjithashtu iu bëri thirrje edhe një herë aleatëve që të forcojnë më tej ushtrinë ukrainase.
“Plani për fitore është të forcojmë Ukrainën. Prandaj, kërkojmë nga miqtë tanë, aleatët tanë që të na forcojnë. Kjo është shumë e rëndësishme. Unë mendoj se jemi më afër paqes sesa mendojmë. Jemi më afër fundit të luftës”, tha presidenti ukrainas.
Përveç kësaj, Zelensky deklaroi se Putini ka frikë nga operacioni në Kursk, i cili po zhvillohet nga Forcat e Armatosura të Ukrainës.
“Është e vërtetë. Ai ka shumë frikë”, shtoi ai. /vizionplus.tv
