Tregtia ndërkombëtare është në një rrezik të madh gjatë javëve të fundit pasi rebelët Houthi vijojnë të godasin anijet tregtare në Detin e Kuq, ndërkohë që sëfundmi kanë dalë imazhet e momentit kur forcat speciale iraniane zbarkuan në tankerin e naftës “Suez Rajan” në gjirin e Omanit.
Pamjet e transmetuara nga mediat shtetërore iraniane tregojnë momentin kur forcat speciale hipin në dy helikopterë dhe zbarkojnë në tanker.
Anija në pronësi të një kompanie greke dhe me flamur të ishujve Marshall kishte një ekuipazh prej 20 eprsonash.
Ajo u ngarkua disa ditë më parë në portin e Basras në Irak dhe ishte nisur drejt një porti turk.
Veprimi i Iranit erdhi pas sekuestrimit të një tankeri nafte iraniane nga forcat amerikane në të njëjtën zonë disa ditë më parë.
Më herët, britanikët dhe amerikanët bombarduan rebelët Houthi në Jemen pas sulmeve ndaj anijeve tregtare në Detin e Kuq. /vizionplus.tv
