Afrika e Jugut apeloi në Gjykatën e Hagës luftën që po zhvillohet në Rripin e Gazës, duke thënë se Izraeli po kryen gjenocid ndaj palestinezëve.
“Veprimet dhe mosveprimet e Izraelit marrin një karakter gjenocidal, pasi ato shoqërohen nga qëllimi specifike për të shkatërruar palestinezët e Gazës, si pjesë e grupit më të gjerë kombëtar, racor dhe etnik të Palestinezët”, thuhet në ankesën që i ka drejtuar Afrika e Jugut gjykatës.
Ankesa u bë këtë të premte në ditën e 84- të të luftës që filloi pas sulmit të paprecedentë të Hamasit ndaj Izraelit më 7 tetor. Rreth 1,140 njerëz u vranë atëherë, shumica prej tyre civilë, ndërsa 250 u rrëmbyen nga Hamasi dhe u dërguan në Rripin e Gazës, ku 129 prej tyre mbahen ende sot.
Qeveria izraelite e hodhi poshtë menjëherë apelin e Afrikës së Jugut drejtuar GJNP-së, duke e quajtur atë një shpifje të pabazë pa asnjë meritë ligjore dhe duke pohuar se po i përmbahej ligjit ndërkombëtar në luftën e saj me Hamasin në Gaza.
“Afrika e Jugut po bashkëpunon me një organizatë terroriste që bën thirrje për shkatërrimin e Izraelit. Populli i Gazës nuk është armiq i Izraelit, i cili po bën përpjekje për të kufizuar dëmtimin e civilëve”, shtoi Ministria e Jashtme në deklaratën e lëshuar.
Kujtojmë që në fillim të luftimeve, Afrika e Jugut, teksa bëri apel për armëpushim, ndërpreu marrëdhëniet diplomatike më Izraelin./vizionplus.tv
