Kryeministri izraelit Benjamin Netanyahu paralajmëroi sot se vendi i tij nuk e ka thënë ende “fjalën e tij të fundit” me sulmet parandaluese që nisi kundër Libanit ditën e sotme për të parandaluar një sulm në shkallë të gjerë nga lëvizja shiite Hezbollah.
“Tre javë më parë ne neutralizuam komandantin e (Hezbollah) dhe sot parandaluam planet e tij agresive”, tha Netanyahu.
Sipas kryeministrit izraelit, mbrojtja ajrore kapi të gjithë dronët e lëshuar nga Hezbollahu kundër një objektivi strategjik në Izraelin qendror.
נסראללה בביירות וחמינאי בטהראן צריכים לדעת שמה שעשינו היום זה צעד נוסף בדרך לשנות את המצב בצפון. pic.twitter.com/Tw0lf3rcso
— Benjamin Netanyahu – בנימין נתניהו (@netanyahu) August 25, 2024
“Ky nuk është fundi i historisë”, theksoi ai.
Izraeli njoftoi se kishte penguar një sulm në shkallë të gjerë nga Hezbollahu duke nisur sulme të shumta në Liban.
Por lëvizja shiite libaneze tha se kishte arritur të gjuante qindra dronë dhe raketa në pozicionet izraelite si hakmarrje për vdekjen më 30 korrik të një anëtari të lartë të krahut të saj ushtarak, Fouad Shukr, në një sulm izraelit në një periferi të Bejrutit.
