Një person u vra gjatë natës midis së shtunës dhe të dielës dhe një tjetër u plagos gjatë përleshjeve mes bandave në Creteil, në juglindje të Parisit.
Njëmbëdhjetë persona, përfshirë katër të mitur, janë arrestuar dhe ka nisur një hetim për vrasje dhe tentativë vrasjeje nga një bandë e organizuar, tha të dielën zyra e prokurorisë.
Sipas një burimi, policia mori disa telefonata gjatë natës pak pas mesnate ku raportohej për shpërthime dhe grumbullimin e rreth 30 burrave të armatosur me kapuç, të cilët u larguan kur mbërriti policia.
Dy personat që kanë marrë plagë me thikë janë dërguar në spital.
Kohët e fundit, shumë incidente dhune mes të rinjve kanë ndikuar fuqishëm në opinionin publik në Francë.
Në maj, një 17-vjeçar vdiq në Poitiers pasi u godit me thikë në qafë në një përleshje mes bandave rivale.
Një muaj më parë, një djalë 15-vjeçar u vra me thikë gjatë një përleshjeje në Satoru dhe një nxënës 15-vjeçar u dhunua jashtë një shkolle në Viry-Chatillon, në rajonin e Parisit.
Pas disa incidenteve të tjera të ngjashme tragjike, qeveria nisi një plan ndërministror në qershor 2021 për të luftuar këtë fenomen, duke përfshirë masa të tilla si rritja e monitorimit të mediave sociale, krijimi i pozicioneve të punonjësve socialë në shërbimet e policisë, shkolla, etj,./vizionplus.tv
