Presidentja e Komisionit Evropian, Ursula von der Leyen, do të zhvillojë ditën e sotme një bisedë telefonike me Presidentin e Ukrainës, Volodymyr Zelensky, Presidentin e Shteteve të Bashkuara, Donald Trump, si dhe me liderë të tjerë të Bashkimit Evropian.
“Presidentja e Komisionit Evropian, Ursula von der Leyen, do t’i bashkohet një thirrjeje në telefon të shtunën”, tha një zëdhënës i komisionit për Reuters.
Telefonata zhvillohet në prag të takimit të planifikuar për ditën e diel në Mar-a-Lago, ku lideri ukrainas dhe presidenti amerikan pritet të vijojnë negociatat lidhur me një marrëveshje të mundshme me Rusinë.
“Takimi i së dielës ka për qëllim specifikisht të rafinojë gjërat sa më shumë që të jetë e mundur”, tha Zelenskyy të premten.
“Plani i propozuar i paqes me 20 pika ishte “90% gati. Qëllimi ynë është ta çojmë gjithçka në 100%. Deri më sot, ekipet tona, ekipet negociuese ukrainase dhe amerikane kanë bërë përparim të konsiderueshëm”, shtoi Zelenskyy.
/vizionplus.tv
