Një stuhi e fortë ka goditur sot zonën e Xhenovës në Itali dhe zonat përreth, duke shkaktuar dëme materiale.
Për shkak të reshjeve të vazhdueshme, një mur në një park publik u rrëzua, duke dëmtuar disa makina të parkuara.
Një tornado e vogël shkaktoi dëme në zonën e portit, duke rrëzuar pemë dhe kontejnerë nga lartësia, por pa lënduar njerëz.
Po ashtu, era e fortë shkatërroi çatinë e kompanisë komunale të grumbullimit të mbeturinave.
Për të menaxhuar situatën janë angazhuar njësi të zjarrfikësve, policisë dhe Mbrojtjes Civile.
Tromba marina nel primo pomeriggio di sabato 15 novembre sul lungomare di Pegli, a Genova. Le forti raffiche di vento hanno ribaltato un furgone. Danni anche ai tetti dei palazzi, da quali sono caduti molti calcinacci. Trascinati via i cassonetti dell’immondizia. pic.twitter.com/gNoAJfoX5E
— Local Team (@localteamit) November 15, 2025
Shumë zona qendrore të Xhenovës janë përmbytur, ndërsa lëvizja është ndërprerë në rrugën rajonale Aurelia, që lidh Italinë me Francën. Parashikimet e motit tregojnë se stuhia do të përhapet edhe në zonat e veriut të Italisë dhe Toskanës gjatë orëve në vijim.
