Më shumë se 76 mijë civilë janë zhvendosur në Liban për shkak të luftimeve të përditshme midis ushtrisë izraelite dhe Hezbollahut përgjatë kufirit izraelito-libanez. Në këtë rajon raportohet për një përshkallëzim të dhunës pasi Hezbollahu lëshon raketa dhe drone kundër Izraelit pothuajse çdo ditë, me Tel Aviv që përgjigjet me sulme kundër tyre.
Sipas Organizatës Ndërkombëtare për Migracionin përshkallëzimi ka detyruar 76,018 civilë të zhvendosen, kryesisht në zonat e Libanit jugor në kufi me Izraelin.
Sipas raportit, më shumë se 80% e libanezëve të zhvendosur po qëndrojnë me të afërmit dhe vetëm 2% janë vendosur në 14 strehimore kolektive të vendosura në jug të vendit, kryesisht në qytetin bregdetar të Tiros dhe rajonin Hasbaya.
Pjesa tjetër kanë marrë apartamente me qira ose janë zhvendosur në shtëpi në zona më larg kufirit, shtoi agjencia e OKB-së./vizionplus.tv/
