“Në Shqipëri, bandat e drogës kanë korruptuar zyrtarët e burgut dhe kanë futur armë kontrabandë brenda për të kryer vrasjen e anëtarëve të bandës rivale. Kjo u ka mundësuar gangsterëve të dënuar të pretendojnë se nuk mund të deportohen në Shqipëri pasi burgjet nuk janë më ‘të sigurta’. “
Kështu nis artikulli i medies britanike gbnews, e cila i ka dedikuar një shkrim bandave shqiptare në Britaninë e Madhe.
“Pse asnjë departament i qeverisë së Mbretërisë së Bashkuar, më së paku Ministria e Brendshme apo Policia, nuk janë në gjendje të ndalojnë rritjen e bandave të egra kriminale që hyjnë në Mbretërinë e Bashkuar nga Shqipëria, dhe gjykatat e emigracionit në mënyrë rutinore përkrahin krerët e bandave shqiptare, duke i lejuar ata të jetojnë përgjithmonë në Britani.
Sot, kontigjenti më i madh i shtetasve të huaj në burgjet e Britanisë së Madhe janë shqiptarë, gjithsej 1475. Të burgosurit britanikë pretendojnë se burgjet e Mbretërisë së Bashkuar tani kontrollohen nga grupe shqiptare, të cilët gjithashtu duhet t’u binden urdhrave të “kokave” të bandave.
Një prej bandave, e quajtur “Hellbanianz”, e cila e ka bazën në Barking, shpesh shfaq në mediet sociale veprimtaritë kriminale.
Në janar, dy liderë shqiptarë të krimit Gjelosh Kolicaj dhe Resul Rahova u burgosën për pastrim parash dhe trafik droge, por gjyqtarët vendosin që mos t’i dëbonin pasi kjo do të shkelte të drejtat e tyre të njeriut, sipas nenit 8 të Konventës Evropiane mbi Të Drejtat e Njeriut (GJEDNJ).
Dyshja organizuan grupe korrierësh që udhëtuan 80 herë përgjatë dy viteve nga Britania e Madhe drejt Shqipërisë, duke marrë me vete para në valixhe prej më shumë se 100,000 £, ose gjithsej 8 milionë £, të sekretuara në atdheun e tyre.
Pas 14 vitesh në pushtet, Qeveria konservatore ka dështuar në mënyrë të veçantë për të mbrojtur britanikët nga këta gangsterë, dhe duket shumë e pamundur që ndonjë qeveri e ardhshme laburiste pas 4 korrikut të ndërmarrë veprime të rrepta.
Shumica e shqiptarëve të arrestuar nga policia në Mbretërinë e Bashkuar u kanë dorëzuar oficerëve një letër standarde duke pretenduar se do të qëndrojnë në Mbretërinë e Bashkuar sipas Aktit të Skllavërisë Moderne, i cili, u jep atyre të drejtën ligjore të qëndrojnë këtu për një vit të tërë, ndërkohë që “aplikimi” i tyre përpunohet.
Dikur ishin vietnamezët ata që kontrollonin shumicën e furnizimit me drogë në Britani.
Por tani kriminelët më të dhunshëm dhe të pamëshirshëm nga Shqipëria kanë lënë mënjanë të gjitha bandat e tjera.
Në Shqipëri, bandat e drogës kanë korruptuar zyrtarët e burgut dhe kanë futur kontrabandë armë brenda për të kryer vrasjen e anëtarëve të bandës rivale. Kjo u ka mundësuar gangsterëve të dënuar të pretendojnë se nuk mund të deportohen në Shqipëri pasi burgjet nuk janë më ‘të sigurta’. Në të vërtetë nuk është vetëm Britania e Madhe, por pjesa më e madhe e Evropës ajo që duhet të kontrollojë krimin shqiptar pasi tentakulat e tyre depërtojnë në shumë komunitete në Evropë.
Vetëm një nismë e koordinuar, mbikombëtare do të ketë sukses në trajtimin e niveleve në rritje të dhunës dhe zhvatjes që ndodhin në mënyrë të pashmangshme në vazhdën e trafikut të drogës.”/vizionplus.tv
