Në Konferencën Vjetore të Agjencisë Evropiane të Mbrojtjes , shefja e politikës së jashtme të BE-së Kaja Kallas ka deklaruar se Evropa nuk është më qendra kryesore e gravitetit të Uashingtonit dhe ndryshimi është strukturor, jo i përkohshëm.
“Më lejoni të jem i qartë: ne duam lidhje të forta transatlantike. SHBA-të do të mbeten partneri dhe aleati i Evropës. Por Evropa duhet të përshtatet me realitetet e reja. Evropa nuk është më qendra kryesore e gravitetit të Uashingtonit. Ky ndryshim ka vazhduar për njëfarë kohe. Rreziku i një kthimi të plotë në politikën e pushtetit shtrëngues, sferat e ndikimit dhe një botë ku fuqia bën të drejtën, është shumë real. Kryeministri i Kanadasë, Mark Carney, e goditi kë të çështje në mënyrë të saktë në fjalimin e tij në Davos. Është koha edhe që Evropa ta heqë shenjën e saj. Të pranojë se ky ndryshim tektonik ka ardhur për të qëndruar. Dhe të veprojë me urgjencë“, Kaja Kallas.
Pas deklaratës së sekretarit të përgjithshëm të NATO-s Mark Rutte se Evropa nuk mund të mbrohet pas SHBA-të Kallas kishte edhe një mesazh për aleancën veriatlantike.:
“Ne të gjithë jemi të vetëdijshëm për çështjet politike që kanë kufizuar bashkëpunimin. Por sidomos tani, ndërsa SHBA-të po i drejtojnë sytë jashtë vendit dhe përtej Evropës, NATO –ja duhet të bëhet më evropiane për të ruajtur forcën e saj. Dhe për këtë, Evropa duhet të veprojë.Për shembull, duhet të sigurohemi që iniciativat tona të sigurisë dhe mbrojtjes të mbeten plotësuese të NATO-s. Shkurt, ne duhet të sinkronizojmë përpjekjet tona, së bashku me NATO-n, në mënyrë që të plotësojmë njëra-tjetrën.”
Deklaratat e Kallas vijnë pasi udhëheqësit evropianë po përpiqen të përshtaten me qasjen e presidentit amerikan Donald Trump, ndaj marrëdhënieve transatlantike.
/vizionplus.tv
