Ushtria izraelite pretendon se ka shkatërruar një apartament, i cili përdorej si strehë nga lideri i Hamasit, Yahya Shinuar.
Bodrumi i apartamentit, i cili ndodhej në qytetin e Gazës, rezultoi të ishte i lidhur me një nga tunelet kyçe të përdorura nga anëtarë të lartë të organizatës.
Tuneli në fjalë ishte 218 metra i gjatë dhe ndodhej 20 metra nën sipërfaqen e tokës në Rripin verior të Gazës, ndërsa kishte të instaluar një rrjet elektrik, kishte infrastrukturë ventilimi dhe kullimi, dhoma lutjeje dhe pushimi.
“Ne gjetëm një tunel shumë të rëndësishëm të Hamasit,” tha komandanti i Brigadës 14, duke shtuar se “sistemi është i thellë, shumë më i thellë se të tjerët.
“Përtej banesës së Shinuar, IDF shkatërroi gjithashtu tunelin nëntokësor.”/vizionplus.tv
