Ushtria izraelite ditë ne sotme ka shumëfishuar goditjet e saj në Rripin e Gazës, në kuadrin e luftës që shpalli për të “eliminuar” Hamasin dhe mund të zgjasë “shumë muaj”, pavarësisht shqetësimeve gjithnjë e në rritje për situatën humanitare.
Ndërkohë, në një shenjë tjetër se konflikti po merr përmasa më të gjera, SHBA-ja njoftoi se kishte përgjuar në Detin e Kuq drone dhe raketa të lëshuara nga rebelët shiitë Houthi të Jemenit, të cilët kërcënojnë interesat izraelite në shenjë “mbështetjeje” për gazanët.
Në enklavën palestineze, forcat e armatosura izraelite janë përfshirë në “betejat” në “Khan Younis” (jug), ndërsa “zgjerojnë” operacionet e tyre në pjesën qendrore të saj, tha mbrëmë zëdhënësi i tyre Daniel Hagari.
Ata urdhëruan që civilët të largoheshin nga kampi al-Burajj dhe rrethinat e tij. Disa kanë mbërritur tashmë në Rafah, me bagazhe. Më shumë se 240 persona u vranë në 24 orë, tha dje ministria e Shëndetësisë e Hamasit.
Palestinians living in Jabalia, the largest refugee camp in Gaza, say they struggle to find clean water amid a tight blockade of essential supplies and after weeks of Israeli bombardment and siege. Read more: https://t.co/30Sjr1Z8YA pic.twitter.com/RzitpL5gpF
— Reuters (@Reuters) December 26, 2023
Trupat palestineze u dërguan me kamion në Rafah, ku u varrosën në një varr masiv, zbuloi një gazetar i AFP.
Komisioneri i Lartë i OKB-së për të Drejtat e Njeriut shprehu gjithashtu “shqetësimin e tij të thellë për bombardimet e vazhdueshme izraelite në qendër të Gazës”, duke bërë thirrje për një “dallim” midis civilëve dhe luftëtarëve.
Ushtria izraelite thotë se viktimat e saj që nga fillimi i operacioneve tokësore në Rripin e Gazës gati dy muaj më parë, më 27 tetor, janë 164.
“Ju shohim”
Kryeministri izraelit Benjamin Netanyahu tha në fillim të kësaj jave se ofensiva e ushtrisë së tij në Rripin e Gazës do të “intensifikohej”.
“Ne u themi terroristëve të Hamasit: ne ju shohim, ne po vijmë, do të intensifikojmë luftimet në jug të Gazës dhe gjetkë ,” tha ai pas një vizite në agjencinë izraelite të hapësirës.
WARNING: GRAPHIC CONTENT
Israeli artillery and airstrikes pounded targets in the Gaza Strip and military operations intensified. Meanwhile, the United Nations voiced alarm over Israeli attacks that killed more than 100 Palestinians over two days https://t.co/sgsxNwOes6 pic.twitter.com/ycTEHpl8y0— Reuters (@Reuters) December 27, 2023
Dhe dje shefi i Shtabit të Izraelit, gjenerali Herchi Halevi , paralajmëroi se operacionet mund të zgjasin edhe “shumë muaj”, pasi “objektivat e kësaj lufte nuk janë të lehta për t’u arritur”.
Udhëheqja civile-ushtarake e Izraelit është zotuar të “eliminojë” Hamasin pasi krahu i tij ushtarak filloi një sulm të paprecedentë në sektorët jugor të territorit izraelit më 7 tetor, kur u vranë 1,140 njerëz, kryesisht civilë./vizionplus.tv
