Ministria holandeze e mbrojtjes tha se Holanda dhe Danimarka do të dorëzojnë 14 tanke të rinovuar Leopard 2 në Ukrainë.
Të dy vendet në prill të vitit të kaluar thanë se do të blinin tanket nga një palë e tretë dhe do t’i bënin gati për betejë në Ukrainë. Tanket janë sjellë plotësisht në standardin e fushëbetejës nga prodhuesi gjerman i armëve Rheinmetall pas muajsh testimi.
Sipas ministrisë ato do të dorëzohen para fundit të verës.
“Tanket Leopard 2A4 mund të ndihmojnë Ukrainën të fitojë dorën e sipërme në fushën e betejës”, thuhet në një deklaratë.
