minibus hire Leeds cheap diesel near me uk web hosting online local minibus hire Mot History Check struga Lajm MOT check cloud hosting mortgage calculator online store Local minibus Hire Cheap Fuel Prices
Fundosja e jahtit në brigjet e Siçilisë, nën hetim edhe dy anëtarë të tjerë të ekuipazhit - Shqiperia.info

Edhe dy anëtarë të tjerë të ekuipazhit të superjahtit të miliarderit britanik Mike Lynch, i cili u mbyt në Sicili javën e kaluar, janë vënë nën hetim.

Kjo është konfirmuar ditën e sotme nga avokati i tyre.

Hetimet kanë vazhduar që nga e mërkura kundër Tim Parker Eaton, inxhinierit që ishte në krye të dhomës së motorit të jahtit dhe marinarit Mattheë Griffith, i cili ishte në roje natën e incidentit, me dyshimin për vrasje.

Kapiteni i anijes nga Zelanda e Re James Cutfield, është tashmë nën hetim për të njëjtën arsye, sipas AP.

“Profili i përgjegjësive të tyre të mundshme është ende i paqartë, sepse hetimi sapo ka filluar”, tha avokati Mario Scopezi.

Ai shtoi se Parker Eaton dhe Griffith u larguan nga Italia të mërkurën, së bashku me Catfield dhe pjesën tjetër të ekuipazhit.

Kryeprokurori Ambrogio Cartozio, i cili drejton hetimin, tha se ekipi i tij do të marrë në konsideratë çdo element të mundshëm të përgjegjësisë, duke përfshirë përgjegjësinë e kapitenit, ekuipazhit, individëve përgjegjës për mbikëqyrjen dhe prodhuesit të jahtit.

Në Itali, veprimet hetimore nuk nënkuptojnë fajësinë dhe nuk do të thotë se do të ngrihet akuza ndaj personave që janë objekt i hetimit.

Mbytja e superjahtit ka habitur ekspertët e lundrimit detar, të cilët thanë se një anije si Bayesian duhet të përballojë stuhinë pa u fundosur brenda një minute.

 

 

 

 

Share.
Exit mobile version