FBI ka reaguar zyrtarisht përmes një deklarate në lidhje me dy video të rreme që qarkullojnë për zgjedhjet amerikane.
E para është “një citat i sajuar që pretendon të jetë një alarm terrorist i lëshuar nga FBI”, siç bëhet e ditur edhe në njoftim.
Sipas FBI-së, videoja u kërkon amerikanëve të “votojnë nga distanca” për shkak të kërcënimit të lartë të terrorizmit në qendrat e votimit. “Nuk është autentike dhe nuk paraqet saktë situatën aktuale”, theksohet në deklaratë.
“Videoja e dytë e rreme përmban një deklaratë të fabrikuar për shtyp të FBI që pretendon se menaxhimi i pesë burgjeve në shtetet kyçe të Pensilvanisë, Xhorxhias dhe Arizonës ka manipuluar votimin e të burgosurve dhe ka komplotuar me një parti politike”.“Kjo video gjithashtu nuk është autentike dhe përmbajtja e saj është e rreme”, thekson FBI.
Agjencia shton se integriteti zgjedhor është një nga prioritetet e saj më të larta dhe po punon me zbatimin e ligjit vendas për t’iu përgjigjur kërcënimeve zgjedhore dhe për të mbrojtur komunitetet ndërsa amerikanët ushtrojnë të drejtën e tyre./vizionplus.tv
