Boeing 737 Max 9 do të qëndrojë në tokë deri në përfundimin e hetimit në lidhje me kontrollet e tyre të sigurisë, njoftoi qeveria amerikane.
Vendimi vjen pas incidentit kur një pjesë e derës së avionit u shkëput gjatë fluturimit të Alaska Airlines.
“Duhet të jetë 100% i sigurt”, tha sekretari i transportit Pete Buttigieg, duke iu referuar kthimit të fluturimeve në fjalë, pa e bërë të qartë se sa do të zgjaste hetimi.
Shefi i Boeing, Dave Calhoun e përshkroi incidentin si “cilësi arratisjeje”. Kjo do të thotë që incidenti ishte shkaktuar nga një dështim i kontrollit të cilësisë së aeroplanit, i cili kishte qenë në shërbim për vetëm tetë javë para aksidentit.
Calhoun tha për CNBC se ka ende pyetje për t’u përgjigjur se si ndodhi incidenti.
Në fillim të kësaj jave, Calhoun pranoi për Boeing se incidenti ishte një gabim i kompanisë pasi Administrata Federale e Aviacionit të SHBA (FAA) ndaloi 171 avionë Boeing të shtunën që ishin të pajisur me të njëjtën derë. /vizionplus.tv
