Në LSDM filloi procedura për zgjedhje të jashtëzakonshme brendapartiake për kryetar të ri të partisë.
Kongresi është caktuar për datën 9 qershor, të dielën, në të cilin do të analizohen arsyet e rezultatit të zgjedhjeve, ndërsa Bordi Qendror i partisë ka propozuar edhe ndryshime në Statutin e partisë në mënyrë që mandati i kryetarit të zgjedhur në mënyrë të jashtëzakonshme të zgjasë katër vjet. Zyrtarisht deri më tani nuk ka kandidatë, por dihet se janë disa anëtarë të partisë.
Sllavjanka Petrovska, deputete dhe ministre e mbrojtjes, ka konfirmuar se do të kandidojë, ndërsa në publik Stefan Bogoev, drejtor aktual i Drejtorisë së doganave, ka shfaqur ambicie të tilla, por nuk ka konfirmuar se do të kandidojë. Kandidatë të mundshëm mund të jenë edhe Jovan Despotovski, drejtor i ZIZHT-it dhe ish-ministri i Shëndetësisë Venko Filipçe.
Spekulohet se kandidatë mund të jetë edhe Petre Shilegov. Zgjedhjet e jashtëzakonshme brenda partisë do të mbahen më 30 qershor dhe të drejtë vote do të kenë anëtarët që do të regjistrohen përsëri.
LSDM filloi procedurat për kryetarin e ri, më 30 qershor zgjedhje partiake appeared first on Telegrafi.