Punonjësit e “Postës së Maqedonisë së Veriut” sot (22 maj) në të gjitha njësitë rajonale në vend do të mbajnë protesta, nëpërmjet të cilave do të kërkojnë pagesën e pagës së prillit dhe fillim të reformave për riorganizimin dhe optimizimin në punë.
“Për shkak të seriozitetit të gjendjes në të cilën ndodhet Posta, ruajtjen e vendeve të punës për punonjësit dhe ekzistencën e familjeve të tyre, organizatat sindikale dhe të punësuarit më 22 maj, e mërkurë me fillim nga ora 08:00 do të mbajnë protesta në të gjitha filialet në Maqedoni”, njoftuan nga Posta.
Ndërsa siç thonë nga sindikata, të punësuarit me protesta e nisin procedurën për grevë.
Nga Sindikata më herët kanë kërkuar sistematizim të ndërmarrjes, si dhe përmirësim urgjent të kushteve për punë dhe sigurim të mjeteve financiare./Telegrafi/
Të punësuarit në Postën e Maqedonisë në protesta, kërkojnë paga dhe reforma në ndërmarrje appeared first on Telegrafi.
