Shtetet e Bashkuara mbeten fort të përkushtuara ndaj Marrëveshjes së Prespës dhe integrimit të Maqedonisë së Veriut në institucionet euroatlantike, tha një përfaqësues i Departamentit të Shtetit pas zgjedhjeve të mbajtura më 8 maj.
Qëndrimi i përfaqësuesit të ministrisë amerikane erdhi pas pyetjes nga korrespondentët grekë në Uashington, për faktin se presidentja e re ka shkelur Marrëveshjen e Prespës, duke mos e përmendur emrin kushtetues gjatë betimit të saj.
“Shtetet e Bashkuara të Amerikës mbeten fort të përkushtuara ndaj Marrëveshjes së Prespës dhe integrimit euroatlantik të Maqedonisë së Veriut. Me formimin e qeverisë së re dhe zgjedhjen e kryeministrit, ne do të vazhdojmë të përforcojmë rëndësinë e respektimit të marrëveshjeve ndërkombëtare dhe përfitimeve të anëtarësimit të plotë në Bashkimin Evropian”, tha në një deklaratë zëdhënësja Lena Argiri./Telegrafi/
Departamenti i Shtetit: SHBA-të mbeten të përkushtuar për Marrëveshjen e Prespës appeared first on Telegrafi.