Ish-kryeministri izrelit Ehud Olmet ka bwrw thirrje pwr “ndwrprerje tw menjwhershme tw luftws nw Gaza”.
Duke folur për programin World at One të BBC Radio 4 për perspektivën e një sulmi të tillë, ai thotë: “Mundësia e një fitoreje ushtarake me pasoja të mëdha është shumë e vogël.”
Olmert ka qenë një kritik i zëshëm i kryeministrit aktual izraelit Benjamin Netanyahu dhe prej muajsh ka kërkuar që lufta të përfundojë dhe të shmanget një ofensivë në Rafah.
Ai thotë se argumenti se një ofensivë në qytetin jugor të Gazës është e nevojshme për të ndjekur individët që Izraeli i konsideron përgjegjës për sulmin e 7 tetorit, duke përfshirë liderin e krahut politik të Hamasit në Gaza, Yahya Sinwar, mund ta zgjasw luftën “përgjithmonë” dhe në “koston e humbjes së jetës së pengjeve”.
I pyetur nwse vrasja e katër ushtarëve izraelitë gjatë natës tregon se Hamas është ende një rrezik, Olmert thotë se nuk mund të ketë “fitore absolute” dhe luftëtarët e Hamasit do të mbeten – duke paralajmëruar se vazhdimi i luftimeve do të çojë gjithashtu në viktima.
BE dënon sulmin në Rafah
Shefi i Punëve të Jashtme të BE-së, Josep Borrell, ka kritikuar urdhrin e evakuimit të Izraelit në Rafahun lindor, përpara një ofensive të pritshme tokësore në qytetin jugor të Gazës.
“Urdhrat e evakuimit të Izraelit për civilët në Rafah pasqyrojnë më të keqen: më shumë luftë dhe zi buke. Është e papranueshme. Izraeli duhet të heqë dorë nga një ofensivë tokësore,” tha ai.
“BE, me Komunitetin Ndërkombëtar, mund dhe duhet të veprojë për të parandaluar një skenar të tillë.”
Më herët, presidentja e Komisionit të BE-së, Ursula von der Leyen përsëriti thirrjen për një armëpushim midis Izraelit dhe Hamasit dhe kërkoi lirimin e pengjeve të mbajtura nga Hamasi. /vizionplus.tv
