Kryetari i Lëvizjes Besa, Bilall Kasami në konferencë për shtyp tha se koalicioni VLEN është fitues i votave shqiptare, ndërsa BDI ka edhe votat e komuniteteve tjera dhe po ashtu ka blerë votat.
“VLEN është përfaqësuesi i vetëm legjitim i shqiptarëve në këto zgjedhje dhe në qeverinë e ardhshme. BDI edhe me këto rezultate nuk nxjer deputet shqiptar. BDI me këto zgjedhje humbi legjitimitetin politik të flasë në emër të shqiptarëve”, tha Kasami.
Ai shtoi se në zgjedhjet e 8 majit do të fitojë VLEN dhe do të përmbysë rezultatin, ndërsa edhe me këtë mandat, diferenca nuk është e madhe.
“Edhe ky rezultat, po të përkthehet në mandate, është diferencë e vogël dhe me angazhimin e madh ne do ta ndryshojmë. BDI arriti ta shkatërroj mundësinë që presidenti i parë të zgjidhet tash në vitin 2024 në zgjedhjet e drejtpërdrejta, nëse pranonin të kemi një kandidaturë shqiptare”, tha Kasami./Telegrafi/
=
Kasami: VLEN është fituese e votave shqiptare, BDI ka votat e komuniteteve dhe nuk ka legjitimitet te populli shqiptar appeared first on Telegrafi.
