Nuk do të ketë asnjë problem me procesin zgjedhor për sa i përket vlefshmërisë së dokumenteve. Kaosin me lejen e shoferëve e ka inskenuar ministri i OBRM-PDUKM-së i cili fillimisht tha se nuk do të ketë gjoba për qytetarët dhe më vonë paralajmëroi se do të ketë gjoba, kjo krijoi trazira te qytetarët, thotë deputeti i LSDM-së, Nenad Kociq.
Kociq për “Samo Vistina” tha se kemi një ligj të miratuar në vitin 2021, me të cilin është paraparë ndërrimi i lejeve të shoferëve dhe librezave deri më 12 shkurt 2024, por njoftimet e kryetarit Kovaçevski dhe ish-ministrit të Punëve të Brendshme Spasovski kanë qenë se nuk do të ketë dënim për qytetarët që nuk i ndryshojnë ato.
“Të njëjtën deklaratë e ka bërë edhe ministri aktual teknik nga OBRM-PDUKM më 06.02, i cili ka thënë se qytetarët nuk do të dënohen dhe pas disa ditësh ka dhënë një tezë tjetër se qytetarët do të dënohen nëse nuk ndërrojnë lejen e shoferit, gjë që krijoi trazira dhe një lloj kaosi në shoqëri”, theksoi Kociq.
Kociq theksoi se ata që rrahën gjoksin për shtatë vjet se kurrë nuk do ta njohin emrin e ri “Maqedonia e Veriut”, tani janë të parët që kërcënojnë me dënime qytetarët që nuk i kanë ndryshuar dokumentet./Telegrafi/
Kociq: Kaosin me lejet e shoferëve e ka inskenuar ministri i OBRM-PDUKM-së appeared first on Telegrafi.