Mega-struktura më e vjetër e ndërtuar nga evropianët mund të jetë një mur i “Epokës së Gurit” , mbetjet e të cilit janë zbuluar në fund të Detit Baltik në brigjet veriore të Gjermanisë, sipas studiuesve dhe studentëve në Universitetin e Kielit.
Muri, i cili është rreth një kilometër (971 metra) i gjatë dhe më pak se një metër i lartë, u pa rastësisht në fund të Gjirit të Mecklenburgut nga shkencëtarët duke përdorur një sistem me rreze nga një anije kërkimore gjatë një ekskursioni studentor.
Stone age wall found at bottom of Baltic Sea ‘may be Europe’s oldest megastructure’ https://t.co/DhtmkBoyuU
— The Guardian (@guardian) February 13, 2024
Pas vëzhgimit të kujdesshëm të murit, të quajtur “Blinkerwall” , studiuesit gjetën rreth 1,400 gurë më të vegjël, të cilët duket se ishin vendosur për të lidhur rreth 300 gurë më të mëdhenj me një peshë totale të vlerësuar prej 142 tonësh, shumë prej të cilëve ishin pothuajse të pangritshëm për t’u zhvendosur nga grupet njerëzore.
Ky mur, i cilësuar si një “zbulim emocionues”, ndodhet në një thellësi prej 21 metrash, por studiuesit vlerësojnë se është ndërtuar njëmbëdhjetë mijë vjet më parë nga gjuetarët në tokë pranë një liqeni apo moçal.
Edhe pse është e vështirë të vërtetohet pse u ndërtua muri, shkencëtarët spekulojnë se ai shërbeu si një korridor për gjuetinë e kafshëve.
“Qëllimi ishte të shkaktonin një bllokim artificial për kafshët”, tha Jakob Geersen nga Instituti Leibniz për Kërkimet e Detit Baltik.
Muri mund t’i ketë detyruar kafshët në liqenin fqinj të ngadalësonin duke i bërë pre më të lehtë për gjuetarët.
Siç raportojnë studiuesit në revistën “Proceedigns of the National Academy of Sciences”, një mur i dytë paralel me “Blinkerwall” mund të fshihet në sedimentet e poshtme.
Nëse me të vërtetë muri funksiononte si një korridor gjuetie, ai ndoshta është ndërtuar më shumë se dhjetë mijë vjet më parë dhe është mbuluar nga ujërat e Detit Baltik kur niveli i tij u rrit rreth 8500 vjet më parë.
Në fazën tjetër të kërkimit të tij, ekspertët do të kërkojnë eshtra kafshësh dhe objekte njerëzore, të tilla si predha të përdorura në gjueti, që mund të varrosen në sedimentet që rrethojnë murin./vizionplus.tv
