Në Kuvendin e Maqedonisë së Veriut sot do të mbajë seanca komisionet për financim dhe buxhet, për transport, transformim dixhital, mjedis dhe planifikim hapësinor, për politikë sociale, demografi dhe rini, ndërsa Komisioni juridikoligjvënës do të mbajë gjithashtu dy seanca, para seancës së 67-të plenare të nesërme, e para pas përfundimit zyrtar të pushimeve vjetore të deputetëve.
Siç informuan nga Kuvendi, në rendin e ditës të Komisionit për financim dhe buxhet është Projektligji për Huamarrjen e Republikës së Maqedonisë së Veriut me një Kredi nga Banka Ndërkombëtare për Rindërtim dhe Zhvillim – Banka Botërore sipas Marrëveshjes së Huasë për Financim Shtesë të Projektit për Përmirësimin e Arsimit Fillor, në lexim të parë.
Komisioni për Transport, Transformim Dixhital, Mjedis dhe Planifikim Hapësinor do të shqyrtojë ndryshimet dhe plotësimet e Ligjit për Shërbimet Mediatike Audio dhe Audiovizuale, në lexim të parë.
Ndryshimet në Ligjin për Punësimin e Personave me Aftësi të Kufizuara, në lexim të parë, dhe Raporti Vjetor për Punën e Agjencisë për Mbikëqyrjen e Sigurimit Pensional të Financuar Plotësisht në vitin 2024 dhe pasqyrat financiare të audituara për vitin 2024 janë në rendin e ditës të seancës së Komisionit për Politikë Sociale, Demografi dhe Rini.
Sot në Kuvend do të mbajnë seanca disa komisione appeared first on Telegrafi.
