Kandidati për kryetar të Çairit, Bujar Osmani, komentoi deklaratën e kreut të ZNAM-it, Maksim Dimitrievski, i cili kritikoi mekanizmin e shumicës së Badenterit.
Sipas Osmanit, qëndrime të tilla janë pjesë e një strategjie të përgatitur prej kohësh, që ka për qëllim anulimin e marrëveshjes që garanton multietnicitetin dhe stabilitetin e shtetit.
“Mendoj se kjo është një strategji që tashmë e kemi parë. Plani për anulimin e Marrëveshjes Kornizë ekziston prej kohësh. Vetëm se atëherë nuk mund ta realizonin – u duhej një partner shqiptar që do t’u jepte legjitimitet para popullit dhe ndërkombëtarëve. Tani e gjetën”, tha Osmani.
Sipas Osmanit goditja ndaj Balancuesit, më së shumti do t’i godasë pikërisht qytetarët maqedonas në Çair.
“Maqedonasit në Çair kanë qenë më të mbrojturit pikërisht nga Balancuesi. Falë tij, komuna ka qenë e detyruar t’i punësojë edhe ata sipas numrit. Dhe ata më thonë: kjo është goditje e drejtpërdrejtë ndaj sigurisë së tyre. Shfuqizimi i tij nuk është në interes të asnjë grupi etnik, por përfaqëson një “projekt kundër shtetit” që synon të minojë bashkëjetesën. Kjo nuk është interes shqiptar apo maqedonas. Ky është interes kundër shtetit”, deklaroi Osmani.
Osmani: Plani për anulimin e MO-së ekziston prej kohësh, çdo shfuqizim i mekanizmave është interes kundër shtetit appeared first on Telegrafi.