Prokuroria Themelore Publike e Shtipit ngriti aktakuzë kundër një personi për vepër penale – “Dhunë”.
Siç thonë nga Prokuroria, më 24 gusht, në stadiumin e futbollit “Belo Brdo” në Shtip, gjatë një ndeshjeje futbolli midis ekipeve të pionierëve të klubeve të futbollit “Bregalnica” nga Shtipi dhe “Shkupi” nga Shkupi, i pandehuri përdori dhunë të rëndë për të rrezikuar sigurinë e dy fëmijëve 15-vjeçarë që ishin lojtarë në ekipin e KF “Bregalnica”.
“Ai u shkaktoi lëndime trupore fëmijëve dhe shkaktoi ndjenjë pasigurie, kërcënimi dhe frike tek të dëmtuarit, publiku i pranishëm dhe të tjerët”, thonë nga Prokuroria.
Incidenti ndodhi në minutën e 89-të të ndeshjes, kur gjyqtari dha kartonin e dytë të verdhë për një faull, duke përjashtuar kështu djalin e të pandehurit, i cili luante për “Shkupi”.
“I pakënaqur me vendimin, djali fillimisht u soll në mënyrë josportive dhe u përpoq të përleshej me grushte dhe shqelma me një nga lojtarët e futbollit të “Bregalnicës”. Pastaj babai hyri në fushë dhe filloi t’i godiste dy fëmijët me grushte dhe shqelma, duke u shkaktuar lëndime trupore. Në fushë hynë edhe persona të tjerë nga publiku, të cilët parandaluan përshkallëzimin e mëtejshëm të ngjarjes”.
“Prokurori publik paraqiti edhe një propozim në Gjykatën Themelore në Shtip për zgjatjen e masës së paraburgimit të përcaktuar më parë për të pandehurin”, thonë nga Prokuroria.
Dhuna në ndeshjen e futbollit në Shtip, Prokuroria ngrit aktakuzë ndaj një personi appeared first on Telegrafi.
