LSDM-ja opozitare ka reaguar ndaj deklaratës së kryeministrit Hristijan Mickoski se pagat në vend po rriten me 11, 12 dhe 13 përqind në muaj.
Sipas partisë, këto janë “deklarata filmash” që janë nënvlerësim dhe fyerje për qytetarët.
“Ku po rriten pagat me 11, 12 ose 13 përqind në muaj? Nëse është kështu, atëherë për gjashtë muaj ato do të ishin rritur me 66%, dhe për dhjetë muaj deri në 110%. Qytetarët e dinë se realiteti është krejtësisht i kundërt – çmimet po rriten, dhe pagat po stagnojnë”, tha LSDM.
Partia shton se statistikat e hedhin poshtë Mickoskin.
Sipas tyre, vlera e shportës së konsumatorit sindikal është rritur me 3,473 denarë nga marsi në korrik, ndërsa paga mesatare neto për të njëjtën periudhë është rritur vetëm me 1,033 denarë.
“Maqedonia është vendi i katërt më i varfër në Evropë dhe kryeministri nuk po lejon që paga minimale të rritet në 500 euro. Këto filma të Mickoskit janë vetëm justifikime për të mos rritur pagat – për punëtorët, skrap, ndërsa për qeverinë, automjete luksoze, avionë privatë dhe fruta ekzotike me shpenzime shtetërore”, thonë nga LSDM.
LSDM: Mickoski nuk po lejon pagë minimale 500 euro, çmimet po rriten teksa pagat kanë mbetur të njejta appeared first on Telegrafi.
