Për herë të parë në histori – FIFA Club World Cup 2025 sjell revolucionin e futbollit të klubeve. Ekskluzivisht në Artmotion.
FIFA Club World Cup 2025 do të shënojë një epokë të re në historinë e futbollit të klubeve. Për herë të parë, kjo garë do të zhvillohet me një format të zgjeruar me 32 ekipe, duke e kthyer në një “Kupë Bote” të vërtetë për klubet më të suksesshme nga e gjithë bota. Turneu do të mbahet në Shtetet e Bashkuara të Amerikës, nga 15 qershori deri më 13 korrik 2025.
Pas dekadash me një format të kufizuar me vetëm 7 skuadra, FIFA ka vendosur ta transformojë këtë turne në një garë madhështore që sjell më shumë emocion, rivalitet dhe prestigj. Klube të lavdishme nga Evropa, Amerika Latine, Afrika, Azia, Amerika e Veriut dhe Oqeania do të përfaqësojnë kontinentet e tyre, të përzgjedhura në bazë të suksesit në kompeticionet më të mëdha si: UEFA Champions League,
Copa Libertadores, AFC Champions League, CAF Champions League dhe të tjera.
Klubet nga Evropa që marrin pjesë në Kupën e Botës për Klube janë:
Real Madrid, Manchester City, Juventus, Borussia Dortmund, Inter Milan, Chelsea, Bayern Munchen, Benfica, Paris Saint Germain, Atletico Madrid, Porto dhe Salzburg.
Nga Amerika Jugore: Flamengo, Palmeiras, River Plate, Fluminense, Boca Juniors, Botafogo.
Nga Amerika Veriore: Inter Miami, Seattle Sounders, Los Angelos/Club America, Pachuca, Monterrey.
Nga Afrika: Al Ahly, Wydad. Esperance de Tunis, Mamelodi Sundowns.
Nga Azia: Al Hilal, Ulsan, Urawa Red Diamonds, Al Ain.
Nga Oqeania: Auckland City.
Turneu do të luhet në 12 stadiume moderne në 11 qytete amerikane, përfshirë New York (MetLife Stadium), Miami, Atlanta, Seattle, Los Angeles (Rose Bowl), dhe do të kulmojë me finalen në East Rutherford më 13 korrik.
Tifozët në Kosovë do të kenë mundësinë ta përjetojnë këtë spektakël global vetëm përmes Artmotion, transmetuesit ekskluziv të FIFA Club World Cup 2025.
Çdo ndeshje LIVE me komentim në shqip dhe cilësi të lartë, ritransmetime, analiza, në golat më të bukur vetëm në kanalet e SPORT 1-6.
Me Artmotion, përjetoje spektaklin aty ku sporti nuk mungon asnjëherë në shtepinë tuaj.
FIFA World Cup ekskluzivisht vjen për herë të parë në Artmotion / shkruan Gazeta Online Reporteri.net.
