Presidentja e vendit, Vjosa Osmani ditë më parë qëndroi në Brunei ku u prit me nderimet më të larta në këtë shtet.
Gjatë vizitës dhe darkës zyrtare Orkestra Mbretërore e Bruneit ka nderuar presidenten duke interpretuar muzikë shqipe.
Në një video të publikuar nga emisioni “#Gjesi” shihet teksa gjatë kësaj darke orkestra ka interpretuar instrumentalin e këngës ”Mos ma ndal” të Adelina Ismailit, duke sjell në zemër të Brunei Darussalam tingujt e kësaj kënge ikonike të divës shqiptare.
View this post on Instagram
A post shared by #gjesi (@gjesi.t7)
Duket se orkestra mbretërore për pritjen e presidentes ka hulumtuar në kulturën dhe muzikën tonë duke zgjedhur kështu këngën e një figure që ka bërë revolucion në muzikën shqiptare, siç është Adelina Ismaili dhe natyrisht që përzgjedhjet që kanë bërë nuk mund të quhen të rastësishme.
Gjatë vizitës së Osmanit në Brunei dhe takimit me Sulltanin e Bruneit, Haji Hassanal Bolkiah u nënshkrua marrëveshja për heqjen e vizave ndërmjet Kosovës dhe Bruneit, një hap domethënës drejt afrimit dhe bashkëpunimit më të ngushtë ndërmjet dy shteteve.
”Mos ma ndal”, orkestra mbretërore e Brunei priti presidenten Osmani me instrumentalin e këngës ikonike të Adelina Ismailit / shkruan Gazeta Online Reporteri.net.
