LSDM informoi sot se deputetët e OBRM-PDUKM-së nuk votuan dhe nuk e mbështetën propozimin e tyre, që në rend të ditës të vihet Ligji për Ndihmë të familjarëve të të vdekurve dhe të lënduarve nga Koçani. Nga 94 deputetë të regjistruar, vetëm 18 votuan “Pro”.
LSDM propozoi ligj për kompensim financiar për familjet që kanë humbur një anëtar, për të lënduarit me shkallë të ndryshme të paaftësisë, si dhe përfitime në sistemin arsimor për fëmijët që mungojnë në mësim për shkak të trajtimit.
I njëjti propozim përfshin edhe familjarët e tragjedive në Tetovë, Llaskarcë dhe “Besa Trans”. Ata u bënë thirrje të gjitha grupeve parlamentare që ta mbështesin dhe ta votojnë këtë zgjidhje ligjore, për të treguar unitet se nuk duhet të ketë politizim të tragjedive të tilla.
Nga OBRM-PDUKM thanë se nuk do ta mbështeste projektligjin. Ata u përgjigjën se “nuk ka asgjë më hipokrite sesa LSDM-ja dhe Filipçe të paraqesin një ligj për Koçanin, sepse kjo është njësoj si të paraqesin një ligj për spitalin modular në Tetovë ose për kthimin e emrit. Ata thonë se kanë planin e tyre për të ndihmuar të prekurit nga tragjedia duke dyfishuar fondet nga Qeveria për të ndihmuar komunën e Koçanit dhe për të zbatuar projekte./Telegrafi/
Deputetët e OBRM-PDUKM-së nuk e mbështetën projektligjin e LSDM-së për të ndihmuar familjarët e viktimave të Koçanit appeared first on Telegrafi.
