Në vazhdim të seancës së sotme parlamentare kushtuar pyetjeve parlamentare, kryeministri Hristijan Mickoski njoftoi se Qeveria do të pranojë çdo marrëveshje për pagën minimale ndërmjet punëdhënësve dhe punëtorëve.
Kështu u përgjigj Mickoski në pyetjen paralamentare të parashtruar nga Jovana Trençevska.
“Paga minimale do të jetë paga për të cilën kanë rënë dakord punëdhënësit dhe punëtorët. Ne jemi një palë që mund ta lehtësojmë atë proces dhe ta shohim si të tillë dhe ta mbështesim kur të përfundojë nëse ka një zgjidhje. Ne do të pranojmë çdo zgjidhje që ata mbështesin dhe këtu nuk ka asnjë dilemë.
Të hënën është një pikë në rend dite që ka të bëjë me pagën minimale dhe shpresoj se punëdhënësit dhe punëtorët do të arrijnë një marrëveshje, të cilën do ta mbështesim”, tha Mickoski.
Deputetja Trençevska pyeti nëse do të pranohet propozimi i LSDM-së për heqjen e tatimit mbi vlerën e shtuar (TVSH) për produktet ushqimore me qëllim uljen e çmimeve në supermarkete. Ajo ka kërkuar përgjigje se si do ta zgjidhë Qeveria problemin e çmimeve të larta, pasi siç tha ajo, qytetarët po mundohen të gjejnë zgjidhje përmes bojkotit./Telegrafi/
Mickoski: Do të pranojmë pagën minimale për të cilën do të pajtohen punëdhënësit dhe punëtorët appeared first on Telegrafi.
