Ministria e Shëndetësisë njofton se një tjetër transplantim i suksesshëm me kockë nga një donator i ndjerë është bërë me sukses, ndërsa është i dyti në 24 orët e fundit.
Nga MSH njoftojnë se transplantimi u krye te një pacient 19-vjeçar për korrigjimin e një deformimi të shputës, si pasojë e paralizës cerebrale.
“Në të kaluarën, korrigjimi i deformimeve bëhej duke përdorur një pjesë të koskës së jashtme të kërcirit, e marrë nga vetë pacienti. Kjo shkaktonte një defekt që ishte i vështirë për t’u korrigjuar. Me përdorimin e koskës nga kadaveri, ndërhyrja kirurgjikale zgjat shumë më pak, nuk lë defekte në pjesë të tjera të trupit të pacientit dhe korrigjimi është shumë më i qëndrueshëm”.
“Ekipi që kreu transplantimin u udhëhoq nga prof. Dr. Zoran Bozhinovski, me anesteziologen Dr. Liljana Angeleska dhe asistentet Dr. Teodora Bozhinovska dhe Kristina Jordanovska, së bashku me personelin mjekësor të mesëm Mençe Dojçinovska dhe Olivera Lazarevska”.
“Ekspertiza dhe profesionalizmi mbeten prioriteti ynë, dhe ne jemi të fokusuar fuqishëm në metoda dhe procedura të reja për transplantime, tha prof. Dr. Biljana Kuzmanovska, koordinatore kombëtare për transplantime”, thonë nga MSH./Telegrafi/
MSH: Një tjetër transplantim i suksesshëm me kockë nga një donator i ndjerë, i dyti në 24 orët e fundit appeared first on Telegrafi.